Hatorangan Jamita

Hatorangan tu Jamita Minggu, 17 Oktober 2010
Ev. Filipi 3:17-21 Ep. I Raja-raja 2:1-4 S. Patik. Titus 2:7

Patujolo
Ibarat harotas bontar na kosong, na so adong do pe disurati manang gambar dibagasan na, songoni do boi tapatudos keadaan ni sahalak jolma na baru tubu di hasiangan on. Ndang adong diboto agia aha, tarlumobi ndang diboto membedakan na dengan dohot na so denggan. Na boi sibahenonna i ma meniru dohot mencontoh sude na diida jala dibereng sian angka na magodang (orang dewasa). Sude na dibahen angka orang dewasa, denggan manang so denggan, merupakan contoh tu ibana. Dianggap do i sebagai standar perilaku di ibana. Molo dibege omakna jotjot sai mamburai, maka dakdanak i pe gabe marsiajar mamburai. Molo dibereng ibana jotjot bapana mangurupi halak, maka anak akan suka menolong. Molo dibereng ibana abangna jotjot mangalo omak dohot bapana, maka ibana pe mangihut gabe pangalo. I do makana sai dipaingot hita angka halak dewasa asa unang mangulahon na so denggan diadopan ni angka dakdanak. Balga do kemungkinan nasida gabe mangihuthon i. Naeng ma holan na denggan i tapatuduhon di angka dakdanak.
Ndang holan tingki dakdanak, sahat tu na magodang pe ternyata hita jolma memiliki sifat meniru. Sebagai gulmitgulmit (mahluk) na jotjot meniru, sude na tahatahon, taulahon, ro sian na tabereng, dohot tabege. Misalna, adong sahalak karyawan baru na karejo secara disiplin. Alai dung dibereng ibana angka dongan sakarejona dohot atasanna hanya bermalas-malasan, besar kemungkinan ibana pe gabe dohot bermalas-malasan. Molo angka pemimpin korupsi, gabe angka bawahan pe dohot korupsi.
Alani, sebagai mahluk na jotjot meniru, diporluhon sada sitiruon na denggan di hita. Sitiruon i boi dapotta sian angka pangajari (guru/pendididk), uluan (pemimpin), dohot angka natuatua di tongatonga ni masyarakat. Sesuai tu Topik ni minggunta: Keteladanan, hita halak Kristen diarahon asa gabe sitiruon di hata nang pambahenan tu sude halak na humaliangta. Di bagasan Kamus Besar Bahasa Indonesia, hata teladan mempunyai arti sebagai sesuatu yg patut ditiru atau baik untuk dicontoh (perbuatan, kelakuan, sifat, dsb).

Situasi ni Surat
Huria di Filipi i ma huria na parjolo sahali dipajongjong Apostel Paulus di Eropa, di tingki pardalanan marbarita na uli napaduahon di ibana (Ul. Ap. 16:12- du) . Huta Filipi terletak di Makedonia, sada provinsi di kerajaan Roma. Nang pe ingkon ditinggalhon ibana kota i ala ni penganiayaan na dialami ibana (1Tes. 2:2), alai setia do huria i tu ibana, tarida sian pangurupion ni nasida tu Apostel paulus dibagasan pardalananna marbarita nauli.
Sebagai patujolo, Paulus dibagasan surat Filipi pasahathon mauliate ni rohana tu huria i di sude pangurupion naung dijalo ibana. Dungi, dilehon ibana do sada dorongan tu nasida asa jongjong di bagasan hasadaon ni tondi jala rap marungkil, marsada ni roha mangkaporseai barita na uli. Ai nunga parjolo Paulus manaon parungkilon i, naeng i ma tiruon ni nasida di bagasan parungkilon nasida. Paulus naeng manogihon nasida bahwa halak Kristen dibagasan ngoluna ingkon tongtong dibagasan las niroha, hasadaon, dohot hatguhon laho mampartahanton haporseaonna tu Kristus.
Surat ni Apostel Paulus tu Huria Filipi on disurathon di tingki ibana berada di penjara, ra di huta Rom. Marsak situtu rohana ala sian kabar na sahat tu ibana, bahwa godang angka pangajari na masuk tu Huria i jala mangjarhon hal na boi mambaen lilu haporseaon ni nasida. Sitiruon na denggan naung dilehon ibana saleleng rap nasida, ndang boi dipatuduhon angka pangajari na ro i.

Tafsiran Teks
Di situasi ni nasida naung godang angka pangajari na lilu di tonga-tonga nasida, Paulus mangidohon asa tongtong nasida marningot di sude pangajarion naung nilehonna tu nasida, asa unang terpengaruh jala gabe mago sude na denggan naung diajarhonna. Mangadopi ragam ni pangajarion naro, naeng nasida manat mamillit pangajarion na sintong di nasida, na sesuai tu pangajarion ni Paulus.Songon na jotjot masa di huria na dipajongjong Paulus, dung lao ibana maka marroan ma angka pangajari Jahudi di tonga-tonga ni huria. Tujuanna laho mampengaruhi ruas i asa mangulahon adat Jahudi. Ditingki rap do pe Paulus dohot huria di Filipi, nunga sai dipaingot nasida taringot tu situasi i. Bahkan sian bagasan penjara, ndang lupa ibana paingothon i nang pe mardongan tangis ibana, alani arsak ni rohana. Angka pangajari na mamboan goar ni Tuhan i, sasintongna merupakan musuh ni Tuhan i. Di dok ibana do nasida “angka biang, angka pangula na jahat, parsunaton na torbang”, asa bereng nasida di si unang terpengaruh. Na diajarhon angka pangajar i, i ma marhatigoran sian patik jala na holan ”butuhanasida do dipardebata”.
Paulus marhite pangajarion dohot pambahenanna, merupakan sada tiruon di huria i. nadia ma i, angka sitiruon i? Di bagian awal bindu 3 on, sian ayat 1-16, bo i do idaonta i. (1) Huhalupahon na di pudingku, hueaki angka na di jolo. Tangkas do dipaboa ibana taringot tu ngoluna andorang so mananda Kristus. Didok ibana:”Garang do rohangku mangalele huria i, so hasurahan di hatigoran na sian patik. Alai naung paruntungan hian di ahu, harugian do i hujujur ala ni Kristus i” (Filipi 3:6-7). On ma sitiruon ni nasida, bahwa halak Kristen i ma halak na olo manundalhon sude hasalahan jala mardalan di dalan ni Debata. Halak Kristen naeng ma marhatigoran na sian Debata, na marajohan sian haporseaon bahwa Jesus Kristus naung hehe i do gabe ojahan ni haporseaonta. Haluaon na tajalo sian Debata, ndang alani usahanta, ndang alani mangulahon patik ni si Musa dohot sunat, alai holan alani asi ni roha ni Debata tu hita. (2) Na serep marroha songon Jesus, jala ndang na holan manrihon diri sandiri. Uhut tumatangis ibana manolsoli angka pangajari na masuk tu huria i, na mangajari huria i alai na berorientasi tu materi, jabatan. Di dok ibana:”Hamagoan do ujungnasida, butuhanasida do dipardebata, sihailahononna (3:19). Nunga godang ruas i jala angka parhalado na mengutamakan hal-hal materi dohot jabatan, na gabe margulut nasida disi gabe patubuhon angka perselisihan di tonga-tonga nasida (tajaha bindu 4). (3) Hasatiaonna tu Debata ditongatonga ni parungkilon. Di pamasuk tu hurungan (penjara), dpukkuli, di hinsaki, nunga merupakan kesulitan nasomal diadopi Paulus dipardalananna. Sian sada kota tu kota na asing, ancaman si songoni jotjot diadopi ibana. Saluhutna i ndang mambaen sumurut ibana sian ulaonna. Sikap si songoni di dapot ibana sian pangantuison bahwa haluaon di jolma ndang didapot di portibi on sian na mangulahon patik ni jolma. Hasiangan on di dok Paulus sebagai” bagas parlapelapeannami”, inganan na bersifat sementara. Dung sian tano on, nunga diparade di hita “inganan na sian Debata, bagas na so pinauli ni tangan, na mian saleleng- lelengna di banua ginjang i” (2 Korintus 5:1).
On ma angka sitiruon sian Paulus, na marasing sian angka pangajari na lilu i. Padahal sebagai pangajari, naeng ma gabe sitiruon tu sude halak na porsea marhite angka pangajarion, tarlumobi marhita pangalaho. Sian namangulahon patik ni Debata do hita dapotan pangomoan jala di ngolu dung sian portibi on do hita manjalo i. Ngolu dohot pardalanan ni Apostel i di namarbarita nauli tu bangso non-Jahudi, na secara konsisten maniop haporsaeonna jala na rela menderita alani i, i do na dipatuduhon Apostel i tu nasida asa gabe sitiruon di nasida.

Pokok-pokok Sijamitahonon
Keteladanan, sada hal naung maol dapotta di tonga-tonga ni ngolu ni bangsonta on. Angka pemimpin na talehon wewenang laho manguluhon hita, dang boi mangalehon sitiruon na denggan, asa dohot hita maniru i. Na jotjot ta ida saonari on i ma angka pemimpin na saling menyalahkan, marsidalian, na menghasut, dll. Hapistaran, bisuk, daohot pengalaman n i nasida, dipangke holan tu kepentinganna, ndang kepentingan publik. Sehingga, molo godang saonari on parbadaan masa di tonga ni masyarakat ta, ala songoni do hape sitiruon sian angka pemimpin.
Alani, hita halak Kristen, naeng ma boi gabe sitiruon di keluarga nang gereja dohot masyarakat, marhite:
1. Na olo hita manundalhon angka na hurang sian pangalahonta dohot panghataionta. Ingkon lam sadaronta do bahwa di jaman teknologi na maju on, ndang adong be nabuni. Akses informasi na luas, mambaen hata nang pambahenanta ndang holan tarbege di tetangganta, alai boi do nunga sahat tu luar kabupaten on. Molo na so denggan na taulahon/tahatahon, roa ma goarta jala ndang gabe sitiruon. Alai molo sebalikna, lam bagak ma barita taringot tu hita jala anggiat gabe sitiruon na denggan di jolma na asing. Songon di keluarga, hita sebagai ama/ina ingkon boi patuduhon sitiruon na denggan tu angka ianakonna. Dituntut kedewasaan sian hita laho manundalhon angka na salah i.
2. Hasatiaon tu Debata naeng tongtong tajaga nang pe gok parungkilon. Di bulan na salpu adong sada contoh nyata di hita taringot parungkilon na dialami angka donganta sahaporseaon di Bekasi. Nian, sian najolo pe hita halak Kristen nunga mengalami on, i ma penghambatan. Situasi on boi mempengaruhi ngolunta baik secara ekonomi dohot sosial, na gabe boi alang haporseaonta tu Debata. Sahalak na gabe sitiruon i ma halak na manahan ro di ujungna, na boi monang mangadopi angka kesulitan.
3. Jesus Kristus, i ma sitiruon na tutu di hita. Ibana mangolu di portibi on ndang holan tu kepentiongan na sandiri, alai laho memenuhi klepentingan natorop, i ma haluaon na pinarade ni Debata. Jesus mandok: “Ai sitiruon do hulehon tu hamu, asa dibahen hamu songon naung hubahen i tu hamu! (Johanes 13:15). Tutu situtu Jesus mamparrohaon jala mengupayahon kepentingan ni natorop. I ma sitiruon na ditinggalhon Jesus: “Ai tusi do hamu tarjou, ai dohot do Kristus manaon na porsuk humongkop hamu, tumadingkon tiruan di hamu, asa diihuthon hamu bogas ni patna” (1 Petrus 2:21).

Gabe sitiruon ma hamu!
1. Marhite na olo paubahaon pangalaho lam tu dengganna.
2. Marhite na satia tu Debata.

Ende.
1. 305:1-3
2. 18:5-6
3. 164:1-2
4. 102:3-4
5. 128:1---
6. 186:4-5
7. 417:1---